Karakterisering van die effek van salisielsuurtoediening op Sclerotinia-stamvrot in sojabone
Characterising the effect of salicylic acid application on Sclerotinia stem rot in soybean
Abstract
Sclerotinia-stamvrot (SSV) van sojabone is ’n siekte van ekonomiese belang wat tot verwoestende opbrengsverliese lei. Dit is ’n moeilike siekte om te beheer as gevolg van die patogeen se vermoë om oorlewingstrukture genaamd sclerotia in plantreste te vorm. As gevolg van ’n tekort aan chemiese produkte wat vir die beheer van SSV geregistreer is, word daar al hoe meer na alternatiewe oplossings gekyk. Weerstandsinduseerders, soos salisielsuur (SA), aktiveer die inherente verdedigingsmeganismes van die gasheerplant om die erns van die siekte te verminder. Salisielsuur is ’n wyd bestudeerde weerstandsinduseerder wat getoon het dat dit tot die induksie van sistemies verworwe weerstand teen ’n reeks patogene lei.