Waterstofbindings tussen adenien en timien: Insig vanuit die perspektief van molekuulwye en elektrondigtheid-gebaseerde chemiese binding (MOWED-CB)
Hydrogen bonding between adenine and thymine: Insight from the perspective of molecular-wide and electron density based chemical bonding (MOWED-CB)
Abstract
Daar word algemeen aanvaar dat DNS-stringe deur waterstofbindings tussen die stikstofbasisse van DNS-nukleotiede bymekaargehou word. In hierdie navorsing word die model wat deur Watson en Crick in 1953 opgestel is, herbesoek deur van nuwe berekeningschemietegnieke gebruik te maak. FALDI (De Lange & Cukrowski, 2017) en REP-FAMSEC (Cukrowski, et al., 2019) is berekeningsprogrammatuur wat deur die berekeningschemie-navorsingspan van die Universiteit van Pretoria ontwikkel is. FALDI kwantifiseer gedelokaliseerde elektrone tot atoomvlak en illustreer die verspreiding van elektrondigtheid oor ’n molekule. REP-FAMSEC verskaf ’n diepgaande ontleding van die effek wat bindingsinteraksies op die energie van ’n molekuul het. Integrasie van FALDI en REP-FAMSEC bied insig vanuit die perspektief van molekuulwye en elektrondigtheid-gebaseerde chemiese binding (MOWED-CB) om sodoende chemiese bindingsinteraksies op ’n molekuulwye vlak te verstaan (Cukrowski, 2022).